Kryetari i Presidencës së Bosnje-Hercegovinës, Denis Beqiroviq i ka dërguar një mesazh presidentit të Serbisë, Aleksandar Vuçiq, përmes Facebook-ut.Siç tha ai, “problemi kryesor në BeH nuk është Dodik por Vuçiq”.
“Gjatë javëve dhe muajve të fundit publiku vendas dhe rajonal po mëson dalëngadalë fytyrën e vërtetë të Aleksandër Vuçiqit, ai nuk është paqebërës, problemi kryesor në Bosnje dhe Hercegovinë nuk është Dodik, por Vuçiq.
Prandaj, zyrtarët ndërkombëtarë duhet të pyesin veten se çfarë lloj instruksionesh po i jep Vuçiq Dodikut.
Ai duhet të fillojë të respektojë sovranitetin, pavarësinë dhe integritetin territorial të BiH dhe të ndalojë ndërhyrjen në punët e brendshme. Mesazhi im për të është të respektojë të drejtën ndërkombëtare dhe të mos sillet sikur rregullat nuk vlejnë për të”, tha Beqiroviq.
Pas një takimi me përfaqësuesit politikë nga RS, Vuçiq shqiptoi një sërë fyerjesh kundër Beqiroviçit këtë mbrëmje, duke e quajtur atë gënjeshtar dhe falsifikues.
