Një predhë artilerie është gjetur sot në Shtime. Lajmin e ka konfirmuar zëdhënësi i Policisë për rajonin e Ferizajt, Kanun Veseli.
Ai tha se dyshohet që predha është nga Lufta e Dytë Botërore.
“Me datën 11.04.2024, rrethe orës 11:30 kemi pranuar një informatë se afër rezervuarit të ujit në rrugën ,,Skënderbeu” në Shtime ishte një mjet i dyshuar, predhë artilerie, e cila dyshohet të jetë nga Lufta e Dytë Botërore. Patrulla e policisë ka siguruar vendin e ngjarjes dhe janë njoftuar njësia përkatëse e FSK-së”, tha ai.
Tutje Veseli bëri të ditur se në ora 18:06 minuta predha është tërhequr nga FSK.
