Greqia ka filluar të shpërndajë kupona për një pushim shtatë-ditor falas për turistët që u detyruan të largoheshin nga hotelet e tyre në ishullin grek të Rodosit gjatë verës së vitit 2023 për shkak të një zjarri në pyll.
Rreth 25,000 turistë, kryesisht nga Britania e Madhe, presin të marrin kupona për një qëndrim shtatëditor në hotelet në Rodos, raporton Guardian.Greqia ka miratuar një ligj të ri për këtë dhe ministri i Turizmit Myron Flouris tha se Greqia është vendi i parë në botë që ka vendosur të japë kompensim për turistët në këtë mënyrë.
Si pjesë e atij programi, personat e evakuuar nga hotelet për shkak të zjarrit në korrik do të mund të përdorin e-boponët me vlerë 300 deri në 500 euro për të mbuluar shpenzimet e akomodimit gjatë qëndrimit njëjavor.
Nisma do të zbatohet në dy faza: tani deri më 31 maj dhe nga 1 tetori deri më 15 nëntor. Zyrtarët e turizmit në Rodos thanë se deri më tani më shumë se 5000 turistë janë regjistruar në regjistrin e përdoruesve të programit.
