Newcastle dhe Joelinton kanë nënshkruar një kontratë të re e cila pritet ta mbajë gjatë brazilianin në “St. James` Park”.
“Jemi të lumtur të njoftojmë se Joelinton ka nënshkruar një marrëveshje të re afatgjatë me klubin, ka komunikuar skuadra angleze.
Braziliani i ishte bashkuar skuadrës së Newcastle në vitin 2019 nga 1899 Hoffenheim. Nga atëherë ai ka realizuar 179 paraqitje për “Magpies”, duke shënuar njëzet e pesë gola.
“Më pëlqen të luaj për klubin. E dua klubin, i dua tifozët. Kemi pasur shumë diskutime dhe gjithmonë kam dashur të jem këtu. Jam i lumtur që vazhdoj dhe shpresoj të kem sukses në vitet në vijim”, ka thënë futbollisti.