Kryetari i Kuvendit të Ferizajt, Agim Aliu, është tronditur thellë, pas lajmit kur një bashkëqytetare e tyre është qëlluar për vdekje nga ish bashkëshorti i saj derisa dorasi ka plagosur edhe vëllain e viktimës.
“Viktima dhe dorasi po merrnin shërbime pranë Qendrës për Punë Sociale në Ferizaj, derisa dorasi ka shtënë mbi viktimën dhe vëllain e saj si dhe ka kërcënuar me armë edhe punonjësen e këtij institucioni.
Dorasi është arrestuar nga Policia e Kosovës në Ferizaj, ku me këtë rast i përgëzojmë për efikasitetin e lartë, njëlloj edhe ekipet shëndetësore për reagimin e shpejt e profesional”, ka shkruar ai ne profilin e tij ne facebook.
Ai tha se pret nga institucionet e drejtësisë që pas hetimeve, me forcën e ligjit t’i japin dënim meritor dorasit.
“Sot, të gjithë të tronditur bashkëndjejmë me familjen e viktimës!
Ngushëllime të sinqerta familjes së viktimës dhe urojmë shërim të shpejt për të plagosurin!” /Kosovatimes/
