Policia e Kosovës nga rajoni i Prizrenit njofton, se më datën 12 prill, në fshatin Shirokë të Suharekës patrullat policore kanë kapur në flagrancë dy shoferë të cilët ishin duke garuar me automjetet e tyre.
“Ngasësit së bashku me vetura janë shoqëruar deri në stacionin policor të Suharekës dhe ndaj dy ngasësve janë shqiptuar gjoba për kundërvajtje me nga 500 (pesëqind ) euro dhe iu është shqiptuar edhe masa mbrojtëse –ndalim i ngasjes për 12 (dymbëdhjetë) muaj, u janë shqiptuar nga 5 pikë negative gjithashtu”, njofton policia.
Garat e shpejtësisë, sipas policisë, janë një aktivitetet i rrezikshëm dhe i jashtëligjshëm andaj Policia e Kosovës nuk do t’i toleroj dhe “do të veproj kundër organizatorëve dhe pjesëmarrësve sa here që të ka informacion për organizimi të tillë”. /Kosovatimes/
