Të paktën 13 persona kanë vdekur dhe 15,000 janë zhvendosur nga përmbytjet në Kenia

Meteorologët kanë bërë të ditur se deri në qershor priten reshje shiu.

Zyra e Kombeve të Bashkuara për Koordinimin e Çështjeve Humanitare, duke cituar Kryqin e Kuq të Kenias, tha se rreth 20,000 njerëz ishin prekur, duke përfshirë rreth 15,000 të zhvendosur nga shirat e dendur dhe përmbytjet në të gjithë vendin.

Në vitet e mëparshme, përmbytjet gjatë sezonit të shirave në Kenia kanë vrarë mijëra njerëz, kryesisht pranë liqeneve dhe lumenjve të mëdhenj.

Sekretari i Përgjithshëm i Kryqit të Kuq të Kenias, Ahmed Idris i tha Citizen TV se ata po punonin për të “shpëtuar jetë”, duke përfshirë pajisjen e strehimoreve dhe sigurimin e ujit të pijshëm të pastër për të zhvendosurit për të parandaluar përhapjen e sëmundjeve të shkaktuara nga uji.

Sezoni i vazhdueshëm i shirave pritet të arrijë kulmin në fund të prillit dhe të përfundojë në qershor.