Gjashtë persona janë vrarë, duke përfshirë një të dyshuar për sulmet me thikë në një qendër tregtare të famshme në plazhin Bondi të Sidneit, dhe një foshnjë është në mesin e të plagosurve, tha policia.
Sulmuesi, i cili ishte i vetëm, u qëllua për vdekje nga një polic ndërsa vizitorët e qendrës u evakuuan.
“Nuk ka më rrezik”, tha policia.
Qindra njerëz u evakuuan nga qendra tregtare dhe policia mbylli hyrjet në këtë pjesë të njohur të qytetit.
Në pamjet mund të shihen dhjetëra automjete policie dhe emergjence, ndërsa në rrjetet sociale janë postuar foto të një burri që mban një thikë të madhe teksa vrapon nëpër qendrën tregtare.
“Ne pamë njerëz që vraponin në panik, dhe më pas dëgjova një të shtënë dhe menjëherë hymë në dyqan dhe shitësit mbyllën dyert,” u tha një grua gazetarëve të Reuters.
Nuk dihet ende identiteti i sulmuesit, as motivi, por policia nuk përjashton mundësinë që të jetë një akt terrorist.
Sulmuesi u vra nga një police në krye të detyrës, të cilën ai tentoi ta godiste me thikë.
Një nga dëshmitarët tha se burri mori një thikë “me teh të gjatë” dhe shkoi drejt grupit të njerëzve që po vraponin në panik.
“Sapo dëgjova dikë duke bërtitur ‘Hyre atë thikën’ dhe më pas ajo e qëlloi atë”, tha ky dëshmitar.
“Nëse ajo nuk do ta kishte qëlluar, ai do të vazhdonte të sulmonte”.
Kjo qendër tregtare është një nga më të mëdhatë dhe më të njohurat në vend dhe qindra njerëz ishin në të, si çdo të shtunë.
Një numër i madh i anëtarëve të komunitetit hebre jetojnë në këtë pjesë të qytetit, i cili në Sidnei numëron rreth 40,000 njerëz, dhe sinagoga kryesore në qytet ndodhet afër.
