Situata në frontin lindor është përkeqësuar ndjeshëm ditët e fundit, tha sot shefi i ushtrisë ukrainase Aleksandar Sirski, duke shtuar se ofensiva ruse është intensifikuar, veçanërisht në zonën e qytetit Chasiv Yar.
“Situata në frontin lindor është përkeqësuar ndjeshëm ditët e fundit. Kjo kryesisht për shkak të ofensivës së intensifikuar të armikut pas zgjedhjeve presidenciale në Rusi”, të cilat u mbajtën në mes të marsit, ka shkruar Sirski në Telegram.
Ushtria ruse po sulmon pozicionet ukrainase në sektorët Liman dhe Bakhmut “me grupe sulmi të mbështetura nga automjete të blinduara”, si dhe në sektorin e Pokrovsk, shtoi komandanti ukrainas.
Rusët kanë shtuar sulmet rreth Chasiv Yar ditët e fundit dhe ai vend kyç lindor tani është “nën zjarr të vazhdueshëm”, thanë autoritetet ukrainase.
Chasiv Yar është një vend rreth 30 kilometra në juglindje të Kramatorskut, kryeqyteti i rajonit të kontrolluar nga ukrainas dhe një qendër e rëndësishme hekurudhore dhe logjistike për ushtrinë ukrainase.
Për muaj të tërë, Kievi u ka kërkuar aleatëve të tij perëndimorë më shumë municione dhe sisteme të mbrojtjes ajrore.
