Për muaj të tërë, Trump ka qenë skeptik për ndihmën e mëtejshme të SHBA-së për Ukrainën, duke argumentuar se ajo nuk është thelbësore për interesat jetike të SHBA.Ish-presidenti i SHBA-së, Donald Trump, pas një takimi me kryetarin e Dhomës së Përfaqësuesve të Kongresit amerikan, Mike Johnson, tregoi se nuk është kundër dhënies së ndihmës për Ukrainën në formë kredie.
Trump tha se ata po mendonin ta jepnin atë në formën e një “huaje në vend të thjesht një dhuratë”.
Ne vazhdojmë të shpërndajmë miliarda e miliarda dollarë dhurata dhe do ta shikojmë këtë”, vazhdoi Trump.
Ai shtoi se është shumë më e rëndësishme që Evropa duhet të ofrojë më shumë para.
“Ata duhet të jenë të barabartë. Ata janë prekur shumë më tepër se ne,” tha Trump.
Të premten, më 12 prill, Kryetari i Dhomës së Përfaqësuesve Mike Johnson dhe zyrtarët e Shtëpisë së Bardhë diskutuan një paketë që do të ndryshonte nga paketa e sigurisë e propozuar prej 95 miliardë dollarësh nga Senati dhe përfshin disa kërkesa republikane. Pas kësaj ai shkoi për t’u takuar me Trump.
Për muaj të tërë, Trump ka qenë skeptik për ndihmën e mëtejshme të SHBA-së për Ukrainën, duke argumentuar se ajo nuk është thelbësore për interesat jetike të SHBA.
Demokratët në të dyja dhomat e Kongresit kanë treguar se janë të gatshëm të marrin në konsideratë dhënien e ndihmës për Ukrainën nëse kjo ndihmon për të zgjidhur përfundimisht çështjen. Megjithatë, nuk është një opsion i dëshirueshëm për ta.
Presidenti ukrainas Volodymyr Zelensky tha së fundmi se Ukraina do të pranojë një kredi nga SHBA në mungesë të opsioneve të tjera.
