Udhëheqësi suprem i Iranit tha: “Izraeli do të ndëshkohet!”

Ajatollah Ali Khamenei dënoi ashpër sulmin ndaj konsullatës iraniane në Damask.Lideri suprem i Iranit, Ayatollah Ali Khamenei, ka reaguar sot ndaj sulmit ndaj konsullatës iraniane në Damask, duke shprehur një qëndrim të ashpër ndaj regjimit izraelit.Kjo deklaratë vjen pas sulmit të fundit në konsullatën iraniane në kryeqytetin sirian, i cili ka tërhequr shumë vëmendjen e komunitetit ndërkombëtar. Ajatollah Ali Khamenei dënoi ashpër sulmin ndaj konsullatës iraniane në Damask, duke theksuar se sulme të tilla nuk do të mbeten pa u ndëshkuar.“Sulmi në konsullatën tonë është sulm në tokën tonë. Një qëndrim i tillë është i zakonshëm për të gjithë botën. Regjimi keqdashës sionist bëri lëvizjen e gabuar në këtë rast. Ai duhet të dënohet dhe do të dënohet”, ka thënë Khamenei në një video-adresim të publikuar në rrjetin social X.Ai shtoi se konsullata dhe zyrat e ambasadës në çdo vend konsiderohen si territor i vendit të cilit i përket ambasada.Autoritetet iraniane njoftuan më parë se kanë gjuajtur qindra dronë dhe dhjetëra raketa lundrimi në drejtim të Izraelit dhe pritet që atyre të duhen disa orë për të arritur në territorin izraelit.Hapësira ajrore izraelite është mbyllur për shkak të një sulmi të pritshëm iranian dhe kabineti i luftës është mbledhur për të diskutuar sulmin iranian. /Kosovatimes/