Në përkujtim të 25 vjetorit të Masakrës së Llashticës, janë bërë homazhe nga kryetari i Komunës së Gjilanit Alban Hyseni, kryeministri Albin Kurti, zv kryeministrja Donika Gërvalla e zyrtarë të tjerë nga institucionet qendrore e lokale e qytetarë.
Kjo ishte masakra më e madhe në Anamoravë.
Kryetari Alban Hyseni tha se në 25 vjetorin e vrasjes, përkujtuan sot 26 martirë në fshatin Llashticë, nga Lirimi 3 javësh e deri te të moshuarit, nga të vrarët deri te të djegurit!
“Këto janë vetëm viktimat civile të një fshati të vendit tonë. Dhjetëra mijëra të tjerë gjithandej Kosovës”, Hyseni.
Kryetari i Gjilanit, shtoi se duke kujtuar të kaluarën, ndërtojmë e sigurojmë të ardhmen.
Lavdi dëshmorëve e martirëve të kombit tonë!
Nga ana tjetër kryeministri, ka kërkuar zbardhjen e këtyre krimeve dhe vënien para drejtësisë të kriminelëve.
“Fatkeqësisht as drejtësia ndërkombëtare dhe as ajo vendëse nuk kanë zbardh këto krime. Derisa në mesin tuaj ka dëshmitarë e të cilët po plaken e vdesin pa u zbardh krimet”, tha Kurti.
Kreu i ekzekutivit i bënë thirrje sistemit prokurori e gjyqësor që të zbardhin krimet dhe mos të kaloi koha e të vdesin dëshmitarët. /Kosovatimes/
