Policia e Kosovës ka dhënë detaje për zjarrin që e ka përfshirë sot një fabrikë në fshatin Kërpimeh të Podujevës.
Zëdhënësja e Policisë për rajonin e Prishtinës, Flora Ahmeti, tha për RTKlive se se zjarrfikësit dhe policia janë në vendin e ngjarjes dhe po merren me rastin.
“Sot rreth orës 11:00, kemi pranuar informatën për një incident zjarri në një fabrikë në fshatin Kërpimeh të Podujevës. Në vendngjarje janë zjarrfikësit dhe policia të cilët po merren me rastin. Për detaje njoftoheni me kohë”, tha ajo.
Sipas saj nuk raportohet për të lënduar përveç dëmeve të konsiderueshme materiale. “Aktualisht policia në koordinim me prokurorin e shtetit ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, tha ajo.
