Në Komisionin Politik të PSSE-së sot me shumicë të madhe janë refuzuar të gjitha amendamentet e delegacionit serb, po ashtu janë refuzuar edhe amendamentet e italianëve,raportojne mediat serbe.
Diskutimi për kërkesën e Kosovës për t’u pranuar në Këshillin e Evropës në plenumin e PSSE-së do të fillojë rreth orës 16:30.
Delegacioni serb në PSSE ka dorëzuar 10 amendamente në tekstin e rekomandimit për pranimin e Kosovës në atë organizatë ndërkombëtare, dhe kryetarja e delegacionit serb, Biljana Pantiq Pilja, tha dje për Kosova Online se kjo ishte një përpjekje për të zbutur opinionin e Raportuesja e PSSE, Dora Bakojani.
Një nga amendamentet e dorëzuara nga delegacioni serb kërkon shtyrjen e vendimit për kërkesën e Prishtinës për anëtarësim, derisa Këshilli i Sigurimit i Kombeve të Bashkuara të “përcaktojë apo miratojë statusin e Kosovës dhe Metohisë”.
Serbia gjithashtu ka kërkuar që teksti i propozuar të ndryshohet në mënyrë që themelimi i JSO të jetë parakusht për vazhdimin e procesit të shqyrtimit të kërkesës së Kosovës për anëtarësim, dhe jo një “obligim pas anëtarësimit”, siç thuhet në rekomandim.
