Kryeparlamentari i Kosovës, Glauk Konjufca, tha se jemi vetëm një hap larg anëtarësimit të plotë në Këshillin e Evropës.
“U shmangën kushtëzimet shtesë dhe amendamentet që do t’ia vështirësonin rrugën Republikës së Kosovës drejt Këshillit të Evropës.
Me shumicë dërmuese sot Kosova mori një konfirmim nga Këshilli i Evropës, nga miqtë e aleatët tanë se institucionet tona janë demokratike”, tha ai.
Konjufca në vijim tha se dita e sotshme shënoi me sukses fazën e dytë drejt Këshillit të Evropës.
“Besojmë dhe angazhohemi fort që një ditë e tillë të përsëritet në ministerialin e ardhshëm në maj, ku Kosova të anëtarësohet me të drejta të plota, e barabartë mes të barabartëve në Këshillin e Evropës!
Urimet shkojnë për të gjithë popullin e Kosovës!”. /Kosovatimes/
