Kryetari i komunës së Pejës, Gazmend Muhaxheri, ka reaguar pas vrasjes së një gruaje nga bashkëshorti në Pejë. Ai në Facebook ka shkruar se është e vështirë të flitet për dhimbjen dhe trishtimin që po përjeton qyteti i Pejës në këtë çast të zymtë.
Ai ka shkruar se në këto çaste duhet të qëndrojmë bashkë dhe të kërkojmë drejtësi për viktimën.
“Nuk ka vend për dhunë në shoqërinë tonë, sepse dhuna është një përpjekje e dëshpëruar për ta zëvendësuar autoritetin e humbur”, tha Muhaxheri.
Sipas tij, duhet të punojmë së bashku për një shoqëri në të cilën njerëzit jetojnë në paqe dhe kanë respekt dhe dashuri për njëri-tjetrin.
“Ngushëllimet më të sinqerta familjes së të ndjerës të kësaj ngjarjeje tragjike, Gjyljeta Ukella, e cila për dy dekada shërbeu si asistente e stomatologut në Poliklinikën Stomatologjike në Pejë”, ka shkruar Muhaxheri.
