Me kërkesë që të shpallët gjendje emergjente, para ambienteve ku po mbahet Forumi për Gratë, Paqen dhe Sigurinë kanë protestuar disa aktiviste.
Aktivistët kanë kërkuar që të hyjnë në hapësirat ku po mbahet forumi, për t’i kërkuar presidentes Osmani, shpalljen e gjendjes emergjente, pas vrasjeve së dy grave për 4 dite.
Liridona Sijarina nga Qendra Kosova për Studime Gjinore ka thënë se presin që Osmani të mbledhë Këshillin e Sigurisë dhe të reagojë.
“Presidenca edhe neve asnjë prej shoqërisë civile këtu qe jemi nuk e kanë ftuar. Kjo neve na lënë pa alternativa të tjera, ne nuk është që mundemi me ndejt të heshtura përderisa shteti vazhdon me mbajtë konferenca që janë të izoluara e që janë për një audiencë goxha të filtruar të cilët ata vetë i vendosin edhe i injorojnë komplet thirrjet tona”, tha ajo.
