Kreu i AAK Ramush Haradinaj e ka cilësuar i gënjeshtër deklaratën e Qeverisë se me projektin e zgjerimit të rrugës Istog-Pejë-Deçan-Gjakovë-Prizren, qeveria do i kursejë buxhetit të Kosovës 150 milionë euro në raport me qeverisjet e kaluara.
“Janë rrenë e kulluar elektorale. Me projektin e Autostradës së Dukagjinit, ka qenë e paraparë ndërtimi i një autostrade të re, sipas standardeve evropiane e jo vetëm harrnimi i rrugës ekzistuese edhe me dy shirita. Investimi i 90 milionë eurove vetëm për zgjerimin e rrugës ekzistuese, është një çmim shumë i lartë e mbi vlerën e tregut, dhe nuk i kursen buxhetit të Kosovës asgjë. Përkundrazi, shpenzohen miliona euro dhe nuk zgjidhet problemi.
Autostrada e Dukagjinit do të ndërtohet herëdokur!”, ka shkruar ai. /Kosovatimes/
