Ukraina ka thënë se marina e saj e ka goditur edhe një anije të flotës ruse në Detin e Zi.
Marina ukrainase e goditi anijen e shpëtimit Kommuna në qytetin e madh të Krimesë së okupuar, Sevastopol, tha zëdhënësi i marinës ukrainase, Dmytro Pletenchuk, më 21 prill.
“Shkalla e dëmeve është duke u verifikuar”, tha Pletenchuk në Facebook.
Ndërkohë, Mikhail Razvozhayev, guvernatori i vendosur nga Rusia në gadishullin ukrainas që Moska e uzurpoi më 2014, tha se është zmbrapsur një sulm “raketor” ndaj një luftanijeje ruse.
“Rënia e copëzave shkaktoi zjarr të vogël, i cili u shua shpejt”, tha Razvozhayev në Telegram.
Prej fillimit të pushtimit rus të Ukrainës më 2022, forcat e Kievit kanë arritur të fundosin anijet kyçe të marinës ruse, sikurse luftanijet Moska dhe Sergei Kotov, e të tjera. Disa anije të tjera janë dëmtuar.
Shumica e anijeve të marinës ruse, që gjendeshin në bazën në Sevastopol të Krimesë të aneksuar paligjshëm nga Moska, janë zhvendosur në Novorusia.
Ukraina e sulmon flotën ruse me dronë detarë dhe raketa lundruese, dhe ka pretenduar se deri më tani ka shkatërruar një të tretën e anijeve të marinës së Rusisë.
Nga ana tjetër, kanali telegram VChK-OGPU publikoi një video që tregonte një anije që digjej. Është e vështirë të kuptohet natyra e dëmtimit të anijes nga pamjet video.
Nga ana tjetër, kreu i Sevastopolit të aneksuar, Mikhail Razvozhaev, tha se luftanija ruse zmbrapsi një sulm raketor.
“Në mëngjes, në një nga anijet në anën veriore, ushtria zmbrapsi një sulm me një raketë kundër anijes. Fragmentet që ranë shkaktuan një zjarr të vogël, i cili u shua menjëherë”, ka shkruar ai në kanalin e tij Telegram.
Në total, gjatë dy viteve të luftës, Rusia humbi më shumë se 20 anije luftarake, duke përfshirë anije të mëdha uljeje, nëndetëse dhe kryqëzorin kryesor Moskva, sipas llogaritjeve të Oryx bazuar në të dhënat e hapura. Para pushtimit të Ukrainës, flota ruse në Detin e Zi përbëhej nga më shumë se 70 anije.
Ndër ato që u dëmtuan ose u mbytën ishin 5 nga 7 mjetet e mëdha deteruese që ishin pjesë e flotës përpara pushtimit të Ukrainës. Këto janë “Cezar Kunikov”, “Novocherkassk”, “Saratov”, “Olenegorsky Gornyak” dhe “Minsk”. Në fillim të marsit, forcat speciale të Drejtorisë kryesore të Inteligjencës (GUR) të Ministrisë së Mbrojtjes së Ukrainës raportuan për shkatërrimin e anijes më të re patrulluese të Flotës së Detit të Zi, Sergei Kotov.
