Fundi i këtij sezoni, me gjasë do të jetë edhe fundi i Anthony Martial në fanellën e Manchester Unitedit.
Italia duket se do të jetë destinacioni i ardhshëm i Martial.
Sipas mediave italiane, lojtari i është ofruar gjigantit italian, Juventus.
Madje, thuhet se tashmë kanë nisur kontaktet mes lojtarit dhe juventinëve.
“Anthony Martial i është ofruar Juventusit si lojtar i lirë. Kanë nisur kontaktet mes lojtarit dhe drejtuesve të Juventusit”, shkruajnë mediet italiane.
Ndryshe, Martial është duke u monitoruar edhe nga disa klube tjera evropiane, por, siç raportohet, lojtari pëlqen transferimin tek ‘Zonja e Vjetër’.
