Departamenti i Drejtësisë i Shteteve të Bashkuara ka arritur një marrëveshje civile prej 138.7 milionë dollarësh me 139 viktima të ish mjekut të ekipit olimpik të gjimnastikës amerikane Larry Nassar.
Nasar po vuan dënimin me burg për abuzim seksual me atletët nën kujdesin e tij dhe marrëveshja e sotme zgjidh pretendimet e viktimave se FBI ka bërë lëshime në fazën fillestare të hetimit.
Ai ishte kryemjeku i gjimnastëve olimpikë amerikanë për 18 vjet dhe në vitin 2017 u dënua me 60 vjet burg me akuzën e posedimit të materialeve të abuzimit seksual të fëmijëve.
Një vit më pas, Nasar u dënua fillimisht me 175 dhe më pas me 125 vjet në dy gjyqe të veçanta për abuzim me gjimnastët nën kujdesin e tij.
Medalistët olimpikë amerikanë, Simone Biles dhe McKayla Maroney, ishin ndër viktimat që kritikuan publikisht FBI-në për trajtimin e hetimit.
