Qeveria e Xhamajkës ka njoftuar se ka marrë vendimin për të njohur shtetin e Palestinës për shkak të shqetësimeve për konfliktin në Rripin e Gazës dhe krizën humanitare në enklavën palestineze.
“Ky vendim është në përputhje me angazhimin e fortë të Xhamajkës ndaj parimeve të Kartës së Kombeve të Bashkuara, të cilat synojnë të promovojnë respektin e ndërsjellë dhe bashkëjetesën paqësore midis shteteve, si dhe njohjen e të drejtës së njerëzve për vetëvendosje,” tha Ministria e Punëve të Jashtme të Xhamajkës. në një deklaratë.
Deri më tani, përveç Xhamajkës, shtetin palestinez e kanë njohur 140 vende të OKB-së , thuhet në deklaratë.
Ministrja e Jashtme e Xhamajkës, Kamina Johnson Smith, tha se vendi i saj dëshiron “një zgjidhje paqësore të konfliktit izraelito-palestinez përmes dialogut diplomatik, jo veprimeve ushtarake”, raporton Al Jazeera.
