Presidenti francez Emmanuel Macron tha sot se “ekziston rreziku që Evropa të vdesë” gjatë një fjalimi në Universitetin e Sorbonës në Paris.
Macron vuri në dukje se beteja për të ndërtuar një Evropë të fortë nuk ka përfunduar dhe rrezikon të mbetet prapa rivalëve globalë në dekadën e ardhshme, raporton Reuters.
Europa, siç vlerësohet nga Macron, është në një pikë kthese dhe duhet të bëjë më shumë për të konkurruar me armatimin e përshpejtuar të rivalëve të saj globalë.
Macron vuri në dukje se modeli i rritjes ekonomike të BE-së duhet të ndryshojë, sepse ai aktual nuk është i qëndrueshëm dhe se BE-ja po mbetet prapa në një kontekst global në të cilin parimet e tregtisë së lirë po vihen në pikëpyetje, raporton Tanjug.
Ai shtoi se Brexit ishte “një shpërthim, efektet negative të të cilit nënkuptojnë se sot askush nuk duhet të guxojë të propozojë largimin nga Evropa”.
