Partia Socialdemokrate ka zhvilluar një aksion simbolik në oborrin e Qeverisë së Kosovës, pas raportimeve se Ministria e Mjedisit, Planifikimit Hapësinor dhe Infrastrukturës ka falur borxhet e kompanive për ambalazhimin e ujit.
Duke vendosur një çezmë para qeverisë, në shenjë simbolike, aktivistë të PSD-së, deklaruan se në të, nuk kanë qasje të gjithë. Këtë ata e quajtën çezma e milionerëve.
Aktivist të PSD-së apelojnë organet e rendit që të zbardhin shkeljet e pretenduara ligjore.
Sipas PSD-së, pushteti aktual nuk ka sjell ndryshim, po punon për të mëdhenjtë sikurse qeveritë paraprake, ndërsa synojnë që kompanitë e mëdha t’i kenë nën kontrollin e tyre. Ky aksion, sipas tyre bëhet pas raportimeve në media se qeveria ka favorizuar disa kompani të ujit. /Kosovatimes/
