Shkruan: Zejdush KASTRATI
Nëse Projekt Draft Statuti i Asociacionit, shkon për shqyrtim në Gjykatën Kushtetuese të Kosovës, dhe kalon filtrin nga ky Institucion, që është niveli më i larte juridik i vendit, atëherë pse ne qytetarët e thjeshte, përfshi edhe shumë “ekspertë”, “intelektualë” e rrahagjoksë …dalim e japim vlerësime se na tradhtoi Qeveria, na tradhtoi Albini, humbi Kosova…!
Kur kësaj ia shtojmë edhe premtimet e sugjerimet e ShBA-ve, Britanisë, Gjermanisë… se nuk do lejohet “Republika srpska”, që janë garanci kryesore e stabilitetit dhe funksionimit të shtetit të Kosovës, pse propagandojmë zi e me zi për ardhmërinë e këtij vendi, dhe sillemi jo si institucionalist!!
Ne, duhet të kritikojmë shumë veprime tjera, edhe të kësaj qeverie që po merren e po bien ndesh me ligjet, janë arbitrare, antikushtetuese, përndryshe ato që kalojnë filtrin e ligjeve të shtetit, nuk duhet as t’i kontestojmë e as t’i komentojmë, pos t’i zbatojmë e avancojmë.
Fatkeqësisht, defekt i kësaj shoqërie që kemi ndërtua, është logjika me të cilën po funksionojmë se: “jemi të gjithëdijshëm, jemi ekspertë, kritikojmë vend e pa vend, nuk respektojmë ligjet, jemi anues të .. …”,veprime që tregojnë se jemi, penguesit e dëmtuesit më të mëdhenj të ndërtimit të shtetit!
Hajde të ndërtojmë shtetin ligjor (funksional), të respektojmë ligjet siç po i respektojmë kur po dalim jashtë dhe Kosova nuk mund të rrezikohet as nga Asociacioni, as nga ndarja, as nga rreziku për të na sulmua dikush nga jashtë.
Por, Kosova po rrezikohet nga vet ne brenda, nga të paditurit e servilët, nga antivlera, nga ata që duan “mjegull”, nga njerëz të shitur për lek…nga hajna e hajnesha, andaj na duhet një shkundje kolektive patjetër pre tu këndellur, se jemi tranu keq..!
Si shoqëri, kemi nevojë për debat gjithsesi, por debat të civilizuar, argumentuar, bindes e jo për shpëlarje truri, shfryrje epshesh e rrugaçëri, dhe ofendime e në emër të patriotizmit të rrejshëm!
Se cili do jetë formati i Asociacionit, kur dihet se Marrëveshjet ndërkombëtare janë obligative, tashmë (pa)përgjegjësia e dinjiteti bartet ekskluzivisht tek anëtarët e Gjykatës Kushtetuese.
Kur ata i japin vizën, ata do marrin përgjegjësinë, por edhe epitetin ose te patrioteve, apo e kundërta ..!
Albin Kurti mund të kritikohet patjetër, vetëm pse nuk e tha në fillim të mandatit, se “Marrëveshjet ndërkombëtare duhet t’i zbatojmë patjetër, e unë si kryeministër do angazhohem për vlerësim nga Gjykata Kushtetuese…”, por këtë nuk e bëri, por vetëm premtoi e premtoi. ..!!!
Pse-në e din ai vet, por le ta tregoj tash..!
