Kryetari i Këshillit Koordinues të Asociacioneve të Familjarëve të të Zhdukurve, Bajram Qerkini, ka thënë se Brukseli e ka stagnuar procesin e personave të pagjetur, edhe pse e ka cilësuar si prioritet humanitar.
Pas homazheve te memoriali për të Pagjeturit, Qerkini duke folur në emër të familjarëve tha se duhet edhe të punohet në këtë proces.
“Ne familjarët kemi të drejtë edhe kur s’kemi të drejtë, kemi të drejtë të kritikojmë dhe të kërkojmë atë të pamundshme që republika e Kosovës të zbatojë, kur nuk e përkrahin shtetet. Sot i patë shumë ambasador, ku unë kom pas takim me ta, se Brukseli me vendimet e veta duke thënë se duhet të jenë prioritet humanitar personat e pagjetur, e ka stagnuar komplet procesin e personave të pagjetur. Cep në cep ka qenë kryeministri por edhe zonja që mund ti them hero, për me tregu të metat që janë ende pa u zbardhur fati i mbi 1600 personave, mes tyre 133 fëmijë. Duhet ende shumë të punohet”, tha Bajram Qerkini.
