Përmbytjet prekën kryeqytetin Nairobi, duke mbyllur disa rrugë dhe shumë lagje të zhytura në ujë
Të paktën 70 njerëz janë vrarë dhe 131.000 të tjerë janë zhvendosur pasi një përmbytje e shkaktuar nga shirat e dendur përfshiu disa pjesë të Kenisë, konfirmoi një zyrtar qeveritar.
“Ndryshe nga shifrat e tjera, numri zyrtar i bashkëkombësve të Kenias që me keqardhje kanë humbur jetën për shkak të situatës së përmbytjeve tani është 70”, shkroi zëdhënësi i qeverisë Isaac Maigua Mwaura në X.
“Ua shprehim ngushëllimet tona të sinqerta familjeve dhe të dashurve të tyre”, shtoi ai.
Përmbytjet prekën kryeqytetin Nairobi, duke mbyllur disa rrugë dhe shumë lagje të zhytura në ujë.
Korporata e Hekurudhave të Kenias u detyrua të pezullojë shërbimet e trenave periferike në mbarë vendin për shkak të përmbytjeve.
Përveç Kenisë, vende të tjera të Afrikës Lindore, përfshirë Tanzaninë, Burundin dhe Republikën Demokratike të Kongos janë prekur gjithashtu negativisht nga përmbytjet.
