Shtetasi serb Aleksandar Stefanoviq (38) është vrarë dje herët në mëngjes para një lokali në Dusseldorf të Gjermanisë dhe shqiptari Rustem Lapi (52) është arrestuar nën dyshimin se ka qëlluar mbi të.
Sipas mediave gjermane, vrasja ka ndodhur të dielën në orën 02:25 në qendër të Dyseldorfit, pas një debati të shkurtër mes dy burrave.
– I vrari Aleksandar Stefanoviq ishte i njohur për ushtrimin e arteve marciale, ai ishte një luftëtar MMA, dhe në Dusseldorf drejtonte një restorant para të cilit u vra. Sipas dëshmitarëve okularë, konflikti ka nisur në lokal pasi i dyshuari ka kërcënuar mysafirët, e më pas ka pasur një debat me pronarin e lokalit. Mesa duket kanë vendosur të dalin jashtë për të zgjidhur problemin. Mirëpo, debati u bë edhe më i rëndë dhe i dyshuari papritmas nxori armën dhe qëlloi Stefanoviqin disa herë .
Ambulanca ka mbërritur me shpejtësi në vendin e krimit, por sportisti fatkeq nga Serbia nuk ka mundur të shpëtojë.
Sipas burimeve të mediave gjermane, vrasësi pas krimit është kthyer në restorant, ku është arrestuar menjëherë.
Më pas mësohet se autori është futur sërish në lokal. Kur policia mbërriti menjëherë pas kësaj, ata mundën të arrestonin një burrë që qëndronte para derës me armë zjarri në dorë pa rezistencë.
Aktualisht është e paqartë nëse autori dhe viktima njiheshin me njëri-tjetrin, ndërsa hetimet vazhdojnë.
