Presidenti i Serbisë, Aleksandar Vuçiq, ka folur sot me ambasadorët e vendeve të Amerikës së Jugut për rezolutën “Dita Ndërkombëtare e Kujtimit dhe Përkujtimit të Gjenocidit në Srebrenicë” dhe pasojat e miratimit të saj të mundshëm për stabilitetin në rajon, por edhe për rend global.
“Theksova rëndësinë e një qasjeje të kujdesshme, objektive dhe të drejtë ndaj kësaj çështjeje, e cila do të kthente parimet e së drejtës ndërkombëtare në forumet globale, do të ndihmonte në ndërtimin e paqes së qëndrueshme dhe besimit midis kombeve”, tha Vuçiq në Instagram.
Ai shtoi se është biseduar edhe për momentin e ri në marrëdhëniet e Serbisë me shtetet e Amerikës së Jugut, për potencialin e madh të pashfrytëzuar për forcimin e bashkëpunimit ekonomik dhe të çdo bashkëpunimi tjetër, si dhe për forcimin e partneritetit strategjik në forumet ndërkombëtare.
