Policia e Kosovës ka njoftuar për tri raste të vdekjes që kanë ndodhur brenda 24 orëve të fundit në Kosovë. Në raportin 24 orësh thuhet se rastet kanë ndodhur në Fushë Kosovë, në Aeroportin Ndërkombëtar të Prishtinës “Adem Jashari” dhe në Prizren.
Në Fushë Kosovë është raportuar nga familjarët, se një grua në banesën e saj është gjetur pa shenja jete.
Në Aeroportin Ndërkombëtar të Prishtinës “Adem Jashari” është raportuar se një grua derisa ishte duke fluturuar nga Zvicra, i është keqësuar gjendja shëndetësore dhe pasi është kontrolluar nga ekipi mjekësor është konstatuar vdekja e saj.
Ndërsa në fshatin Manastirca të Prizrenit raportohet se nga familjarët e tij është gjetur pa shenja jete një burrë.
