Forcat ruse nisën një sulm të ri me raketa në qytetin e Odessa dhe portin e Detit të Zi të hënën. Të paktën katër persona humbën jetën, ndërsa 20 persona u plagosën.
Gjithashtu, një zjarr i rëndë ka rënë edhe në Pallatin Studentor të Akademisë Juridike të Universitetit Kombëtar në Odessa, i cili për publikun ukrainas njihet si “Kështjella e Harry Potter”.
Fatkeqësisht, katër persona kanë humbur jetën, mes të plagosurve është edhe një djalë 12-vjeçar, ndërsa dy të tjerë janë në gjendje të rëndë. Ekipet mjekësore ofrojnë të gjithë ndihmën e nevojshme. Përveç humbjeve njerëzore, dëme të konsiderueshme u shkaktuan në ndërtesat e banimit dhe infrastrukturën civile, tha Oleh Kiper, kreu i Administratës Ushtarake Rajonale të Odesa, përmes Telegram.
Kryetari i bashkisë së Odessa, Henadiy Trukanov , ndau foto të pasojave të sulmit rus në qytet, siç raportohet nga Ukrainska Pravda.
❗️20 people were injured as a result of the Russian army's strike on #Odesa, the mayor of the city, Hennadiy Trukhanov said. pic.twitter.com/juHYe80Ugi
— KyivPost (@KyivPost) April 29, 2024
Transmetuesi publik Suspilna njoftoi se çatia e ndërtesës, e cila konsiderohet Akademia Gjyqësore, është shkatërruar pothuajse tërësisht. Gjithashtu theksohet se mes të plagosurve është edhe presidenti i akademisë, ish-deputeti i njohur Sergej Kivalov.
Odessa ka qenë shpesh objektiv i sulmeve ruse me raketa dhe dron, veçanërisht në infrastrukturën portuale.
