Finalisti nga gjysmëfinalja Bayern Munich – Real Madrid do të dalë nga ndeshja e dytë në “Santiago Bernabeu”.
Episodi i parë i gjysmëfinales së Champions League të martën në “Allianz Arena” nuk ka dhënë fitues.
Ndeshja është mbyllur me rezultat të barabartë 2-2.
Ka qenë minuta e njëzet e katërt kur Real Madrid e ka gjetur epërsinë me Vinicius Junior pas një asistimi nga Kroos.
Pjesa e parë është mbyllur me këtë rezultat.
Fillimi i pjesës së dytë ka qenë momenti i kthesës për Bayern.
Fillimisht Sane (53′) e ka barazuar rezultatin pas një asitimi nga Laimer e pastaj Kane (57′) e ka kaluar në avantazh skuadrën bavareze nga penalltia. Paraprakisht Musiala ishte penguar në mënyrë të palejueshme nga mbrojtja spanjolle.
Kur është dukur se fitorja do të jetë e skuadrës gjermane, në skenë ka dalur edhe njëherë Vinicius Junior (83′) për ta barazuar rezultatin nga penalltia.
Të mërkurën zhvillohet ndeshja tjetër gjysmëfinale mes Borussia Dortmund dhe Paris Saint Germain.
