Pasi zëdhënësi i Bashkimit Evropian, Peter Stano, tha sot se për heqjen e masave ndëshkuese që blloku ka vendosur ndaj Kosovës, vendosin shtetet anëtare e jo Qeveria e Kosovës, zëdhënësi i Qeverisë së Kosovës, Përparim Kryeziu, ka reaguar duke publikuar dy fotografi e duke thënë se rasti është shumë i thjeshtë.
http://199.192.21.43/2024/05/02/be-masat-ndaj-kosoves-do-te-jene-ne-fuqi-derisa-te-mos-kete-arsye-per-to
Bashkimi Evropian, sipas Kryeziut i ka vendosur masa Kosovës sepse e ka fajësuar atë, padrejtësisht, për eskalimin e situatës që shihet në foton e parë (maj 2023).
“Ndërkaq, në foton e dytë, mund të shihet Kryetari i Komunës së Zveçanit, Ilir Peci, pranë të njëjtës ndërtesë duke lëvizur i papenguar (prill 2024). Është e qartë që deeskalimi ka ndodhur. Prandaj është po aq e qartë që masat ndaj Kosovës duhet të hiqen”, ka thënë Kryeziu. /Kosovatimes/
