“Performanca e Qeverisë së Republikës së Kosovës në realizimin e prokurimit”, është ky raporti të cilin Initiative for Progress – INPO, e ka publikoi këtë të premte.
Drejtoresha ekzekutive e INPO-së, Albulena Nrecaj-Musliu dhe monitoruesi Arbër Kabashi, thanë se ky raport është rezultat i monitorimit të Planeve Përfundimtare të Prokurimit të Ministrive dhe Zyrës së kryeministrit rreth përmbushjes së tyre, brenda një viti fiskal.
Aspektet e përdorura në ketë raport u tha se janë aspekti numerik dhe ai buxhetor.
“15 ministri dhe Zyra e kryeministrit, INPO ka bërë realizimin edhe nga nr. i aktivitete dhe vlera e tyre. Gjatë vitit 2023 janë 336 aktivitete te rezultuara në 489 kontrata, ku në total nga 935 aktivitete të planifikuara, prej tyre 336 janë realizuar, e nga vlera 935 kanë 442 milionë euro”, deklaroi Kabashi.
Sipas raportit Ministria e Arsimit ka planifikuar 57 aktivitete me 17 kontrata të nënshkruara të kthyer në përqindje si 29.82%.
Ndërkaq Ministria e Bujqësisë kishte paraparë 43 aktivitete në vlerë prej 6.053.875.52 euro, me gjithsej 25 kontrata te nënshkruara.
Një numër më të madh aktivitetesh të parashikuara gjatë 2023-tës, ishte Ministria e Financave, Punës, dhe Transfereve me 71 gjithsej ku prej tyre u nënshkruan 46 prej tyre.
Ndërsa sa i përket Zyrës së kryeministrit, për vitin 2022 kishin të paraparë 22 aktivitete. Në vlerë prej 918,583,00 euro, prej tyre vetëm 17 të nënshkruara.
Sipas konkluzioneve të këtij raporti ministritë dhe Zyra e kryeministrit nuk i përmbahen planifikimit të prokurimit.
“Planet e prokurimit nuk reflektojnë nevojat reale, të furnizimit me artikuj, shërbime dhe punë, duke qenë se vetëm rreth 35% e aktiviteteve te planifikuara janë tenderuar”, tha Kabashi.
Tutje në raport thuhet se Qeveria e Republikës se Kosovës gjatë vitit 2023, dy herë ka ndryshuar dhe plotësuar listën e artikujve për përdorim të përbashkët që janë objekt i procedurës qendrore të prokurimit publik.
Ministria e Arsimit ka paraparë në planifikim të prokurimit aktivitete për ndërtimin e çerdheve nëpër komuna, pa e definuar paraprakisht me komunën përkatëse lokacionin e ndërtimit të çerdhes është pamundësuar inicimi i aktiviteteve të prokurimit për ndërtimin e çerdheve.
Ministria e Mbrojtjes në raportin e prokurimit i ka dy kontrata të raportuara për njësi, por nuk e ka të përgatitur vlerën indikative të kontratës.
Aktivitetet e planifikuara nga MFPT rreth Thesarit, në muajin korrik kanë kaluar në kuadër të AQP-së.
Kontratat që kanë të bëjnë me furnizim me pajisje të IT-s e që janë minitender, përmbajnë numrin 5, numër ky i llojit të kontratës së punës.
Nrecaj Musliu tha se gjetjet flasin për mungesë të mirëfilltë të planifikimit. /Kosovatimes/
