Gjykata Themelore në Prishtinë ka caktuar masën e paraburgimit prej një muaji për A.S., i cili dyshohet për tri vepra penale.
A.S. dyshohet se në bashkëkryerje ka kryer veprat penale “Vrasje e rëndë e mbetur në tentativë”, “Asgjësimi apo dëmtimi i pasurisë” dhe “Mbajtja në pronësi, kontroll ose posedim i paautorizuar i armëve”.
“Pas mbajtjes së seancës dëgjimore dhe shqyrtimit të shkresave të lëndës, gjyqtarja e procedurës paraprake ka konstatuar se mos caktimi i masës së paraburgimit, do të kishte për pasoj që i pandehuri do të asgjësojë, fsheh, ndryshojë apo falsifikojë provat e veprës penale dhe do të pengojë rrjedhën e procedurës penale duke ndikuar në dëshmitarë, po ashtu gjykata ka konsideruar se më lënien e tij në liri ekziston mundësia e përsëritjes së veprës penale apo kryerjes së ndonjë vepre tjetër te natyrës se njëjtë apo të ngjashme apo përfundimi i veprës se mbetur në tentativë”, thuhet në njoftimin e Gjykatës. /Kosovatimes/
