Qendra për informim dhe Përmirësim Social, ka vazhduar mbledhjen e nënshkrimit së peticionit, përmes të cilit kërkohet hartimi një projektligji nga Kuvendi i Kosovës për parandalimin e vetëvrasjeve në vend.
Fjolla Muçaj nga Qendra për informim dhe Përmirësim Social, në një intervistë për RTK, tha se synohet të mblidhen 10,000 nënshkrime. Sipas saj, projektligji i tillë do të bëjë të jetë i pari në rajonin tonë.
“Ne jemi optimist që do t’i mbledhim këto nënshkrime dhe do t’i dërgojmë në Kuvend, ku pastaj e detyrojmë në një farë forme Kuvendin e Kosovës të hartojë një projektligj”, u shpreh ajo.
Ndër të tjera Muçaj, tha se organizata po tenton që linjën telefonike kundër vetëvrasjes ta institucionalizojë dhe ta bëjë aktive 24 orë.
“Ne po tentojmë që këtë linjë të ja qojmë shtetit dhe që ta menaxhoj në mënyrë më të mirë, në bashkëpunim”, u shpreh ajo.
Muçaj, tha se po kërkojnë ngritjen e profesionalizmit të mediave në raportimin e vetëvrasjeve dhe të krijohet një asistencë sociale për të mbijetuarit e vetëvrasjes.
