Sonte në ‘Karagaçi’ zhvillohet ndeshja e pestë dhe vendimtare mes Pejës dhe Golden Eagle Yllit.
Skuadra që shënon fitore, do t’i bashkohet Trepçës në finale e madhe të “Play-off”-it.
Seria gjysmëfinale është 2:2. Therandasit fituan dy ndeshjet e para, 84:87 dhe 92:86, por kampionët iu kundërpërgjigjën në dy sfidat e radhës, 98:86 dhe 80:81.
Sfida e sotme në Pejë do të vendosë për skuadrën që do të kualifikohet në finale. Pejanët kërkojnë finalen dhe të mbrojnë titullin e kampionit, kurse therandasit për të depërtuar në finale dhe për të rikthyer titullin e kampionit në Therandë.
Takimi pritet të jetë shumë interesant, ashtu si kanë qenë katër gjysmëfinalet e deritashme mes këtyre dy skuadrave.
Gjysmëfinalja V
Sot takohen:
19:00 Peja – Golden Eagle Ylli
