Në shumicën e lokaleve hoteliere, furra buke funksionojnë nën standardin higjienik. Shembujt janë të panumërta kur nëpër qebaptore, furra shërbejnë pa dorëza, paketojnë ushqimet duke i prekur ndërkohë që edhe shlyejnë llogaritë duke prekur monedhat. Deri nga mesi i viteve “90 secili dyqan mbante lagështues të gishtave, ndërsa sot sidomos në qebaptore ajo zëvendësohet me një të prekur të gjuhës me gisht e më pas kapjen e letrës për mbështjellje. Arsyeja e kësaj teme ishte ajo që më befasoi në një lokal i destinuar për tosta tepër i frekuentuar kur një punonjës pasi i ktheu kusurin një klienti pastroi duart dhe vazhdoi të shërbejë. Këtë shprehi ia kishte lënë pronari i një lokali tek i cili kishte punuar dikur. Më erdhi mirë. Mirëpo më rikujtoi lokalet tjera ku shërbehet në mënyrë mjaft ekstreme për nga ana higjienike. Me të njëjtën dorë prek ushqimet , me ë njëjtën dorë prek monedhat, kthen flokët etj.
Se parat janë të përlyera me plot mikrobe ky nuk është ndonjë lajm. Në ShBA në një hulumtim në monedhën prej 1 dollari janë zbuluar 3000 lloje bakteriesh! Ndër llojet më të zakonshme të baktereve në kartëmonedha janë ato që shkaktojnë puçrra fytyre dhe bakteret që shkaktojnë probleme me zorrët, pneumoni dhe madje edhe dështim të veshkave. Por ajo që i habiti më shumë shkencëtarët ishte kur zbuluan se mikrobet në fakt rriten dhe shumohen në kartëmonedha. Pikërisht në shumë shtete kjo është arsyeja pse shumë përpiqen të përdorin pagesën pa para përmes kartelave bankare. Sipas hulumtuesve me shumë monedhat e letrave përmbajnë mikrobe se sa monedhat e imëta pasi kanë përbërës metalikë si nikeli, bakri, argjendi dhe zinku, disa prej të cilëve mund të jenë antimikrobikë.
Këto janë bakteret më të zakonshme në monedhat e letrës:
Streptokoku
Streptokoku shkakton dhimbje të fytit, infeksione të lëkurës, infeksion të traktit urinar dhe madje edhe pneumoni.
E-coli
Shumica e varieteteve të E.coli janë të padëmshme, por ka edhe nga ato që mund të çojnë në dështim të veshkave, madje edhe në vdekje. Më së shpeshti, E.Coli do të shkaktojë diarre, të vjella dhe dehidrim.
Salmonela
Ndikon në zorrët dhe shkakton të vjella dhe diarre, të cilat mund të çojnë në dehidrim në një kohë të shkurtër dhe nevojitet ndihma mjekësore. Nëse infeksioni përhapet jashtë zorrëve, mund të jetë kërcënuese për jetën.
Stafilokoku i artë
Staphylococcus aureus është një bakter që është shumë rezistent ndaj antibiotikëve. Shkakton infeksione të lëkurës, inflamacion të bajameve, sinuseve dhe syve, por edhe sëmundje të rënda si sepsa, pneumonia, sindroma e shokut toksik dhe meningjiti.
MRSA
MRSA është stafilokoku aureus rezistent ndaj një game të gjerë antibiotikësh. Mund të shkaktojë vdekjen e indeve.
Prandaj, sugjerohet që të lani gjithmonë duart pas trajtimit të parave. Nëse nuk e keni bërë, kini kujdes që të mos prekni fytyrën ose t’i vendosni në gojë.
Mu për këtë si në kuzhina, ashtu edhe në shërbime të ndryshme përdoren dorëzat sidomos në ato ushqimore për shkak të sigurisë së ushqimit. Aktualisht nuk ekziston ndonjë rregullativë që obligon bartjen e dorëzave të cilit do pjesëmarrës në rrjetet ushqimore , sepse si prodhuesi e deri te shitësit andaj atyre u lehet në zgjedhje, sepse ata janë përgjegjës që të vihet produkti i sigurte në treg,
Megjithatë me Ligji për inspektoratin sanitar të vendit neni 31 parashihen kundërvajtjet sanitare të për përcaktuara në nenin 5 dhe 12 të këtij Ligji duke filluar nga mosrespektimi i kushteve të prodhimit, sipas standardeve sanitare, papastërtitë personale dhe të mjeteve të punës etj. me masat e gjobës prej 1.000 – 1.500 € për persona fizik, për persona juridik 2.000 – 5.000 €, ndërsa për personat përgjegjës 1.000 – 1.500 €. Por tek ne duket se kjo nuk ndodhë ani pse situata është alarmante. /Kosovatimes.info/
