Një aksident i rëndë trafiku ka ndodhur në semaforët afër Fakultetit Teknik. Raportohet se në aksident janë përfshirë një veturë Nisan dhe Audi A6.
Policia ka konfirmuar se në aksident kanë qenë të përfshira dy vetura.
“Sot rreth orës 09:00 kemi pranuar informatën se në udhëkryqin afër konvikteve në Prishtinë , ka ndodhur një aksident trafiku. Në këtë aksident kanë qenë të përfshira, dy automjete të cilat kanë qenë në lëvizje. Si pasojë e aksidentit lëndime trupore kanë pësuar gjashtë persona. Me rastin po merret hetuesia nga njësiti i trafikut rrugor”, ka thënë për RTK, zëdhënësja e Policisë, Flora Ahmeti.
Dëshmitarët nga vendi i ngjarjes thonë se në këtë aksident, më rëndë e ka pësuar vozitësi i veturës Nisan, të cilin me shumë vështirësi e kanë nxjerrë nga vetura të lënduar.
