Bayer Leverkusen do të jetë në finale të Europa League.
Skuadra e Xabi Alonsos, e eliminoi Romën në gjysmëfinale, me rezultat të përgjithshëm 4:2.
Sonte në “BayArena” ndeshja u mbyll 2:2.
Fillimisht romakët shënuan dy herë përmes Leandro Paredes, i cili realizoi dy penallti.
Por, Granit Xhaka me shokë nuk u dorëzuan.
Fillimisht, rezultati u ngushtua me autogolin e Gianluca Mancinit.
E krejt në fund, për 2:2 realizoi Josip Stanishiq, pas asistimit të Granit Xhakës.
Finalja e Europa League, do të zhvillohet në mes të Bayer Leverkusenit dhe Atalantas.
Loja do të luhet në Dublin më 22 maj.
