By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Drama e Bruce Willis, zhvendosja në një shtëpi të ndarë nga familja e tij
August 30, 2025
U rrahën nga shqiptarët: Sulmuesi grek i ekipit polak me ultras serbë, e quan Shqipërinë, Serbi
August 30, 2025
I kërkuar ndërkombëtarisht, arrestohet në Spanjë 25-vjeçari nga Shqipëria
August 30, 2025
Shpërthime dhe zjarre tronditin uzinat ruse të naftës në Krasnodar dhe Samara
August 30, 2025
Mjekët kanë përpiluar një listë me 14 ushqime që janë të mira dhe jo të mira për mëlçinë
August 30, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Kurti bëri homazhe te varrezat e martirëve e dëshmorëve të kombit në Çabrat të Gjakovës
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Politikë > Lajme > Kurti bëri homazhe te varrezat e martirëve e dëshmorëve të kombit në Çabrat të Gjakovës
Lajme

Kurti bëri homazhe te varrezat e martirëve e dëshmorëve të kombit në Çabrat të Gjakovës

Kosova Times
Last updated: 2024/05/10 at 2:53 PM
Kosova Times Published May 10, 2024
Share
SHARE

Në kujtim dhe në nderim të sakrificës dhe të gjakut të derdhur për liri që ndodhet në themelet e shtetit dhe të lirisë sonë, Kryeministri i Republikës së Kosovës, Albin Kurti, ka bërë homazhe tek varrezat e martirëve e dëshmorëve të kombit në Çabrat të Gjakovës.

I shoqëruar edhe nga anëtarë të kabinetit qeveritar dhe deputetë të Kuvendit të Republikës së Kosovës, Kryeministri Kurti takoi familjarët e dëshmorëve dhe martirëve në Gjakovë.

Kryeministri tha se Gjakova ka dhënë shumë në çdo luftë e posaçërisht në luftën e fundit. Në Gjakovë i kemi 361 dëshmorë dhe 1022 martirë. Vetëm në ditët ndërmjet 7 dhe 11 majit të vitit 1999, i kemi 26 dëshmorë dhe mbi 100 martirë.

“Vrasjet e fëmijëve, të pleqve, të grave, të burrave, të rejave e të rinjve, këto varreza ku sheh njeriu pa numër mbiemra të njëjtë të familjeve, tregojnë që Serbia ka ushtruar gjenocid në Kosovë dhe ka pasur për qëllim shfarosjen e shqiptarëve. Por ajo ka dështuar në këtë projekt mizor e antinjerëzor të saj, dhe sot 25 vjet më vonë ne jemi më të fortë e më të fuqishëm se kurrë më parë”, tha kryeministri Kurti.

Ai shprehu mirënjohje të pafund ndaj familjeve që po qëndrojnë kaq të fortë dhe po e mbajnë lart krenarinë e popullit tonë, i cili ka humbur e ka vuajtur shumë, mirëpo ka dalur fitimtar dhe nuk ka kush që e ndal në progres demokratik, socio-ekonomik dhe evropian.

“Ushtria Çlirimtare e Kosovës, invalidët dhe veteranët e luftës, familjet e dëshmorëve, janë vlera të pamohueshme të shtetit e të kombit tonë, mbi të cilat ne vazhdojmë që të ndërtojmë të ardhmen tonë të ndritshme për brezat që do të vijnë. E ku ka shembull më të mirë për këtë se sa nipi i Lule Sharanit, Dijari, i cili kur u takuam këtu tha që dëshiron të angazhohet në Forcën e Sigurisë së Kosovës, në ushtrinë e Republikës sonë,” tha Kryeministri Kurti.

Fjala e plotë e Kryeministrit Kurti:

Atëherë, sot bashkë me kolegë nga Qeveria e Republikës së Kosovës dhe Kuvendi i Republikës së Kosovës, erdhëm që të takohemi me familjarët në Gjakovë, tek varrezat e dëshmorëve dhe martirëve në kujtim dhe në nderim të sakrificës së tyre, të gjakut të derdhur për liri që ndodhet në themelet e shtetit dhe të lirisë sonë.

Gjakova ka dhënë shumë në çdo luftë e posaçërisht në luftën e fundit. Në Gjakovë i kemi 361 dëshmorë dhe 1022 martirë. Vetëm në ditët ndërmjet 7 dhe 11 majit të vitit 1999, i kemi 26 dëshmorë dhe mbi 100 martirë.

Vrasjet e fëmijëve, të pleqve, të grave, të burrave, të rejave e të rinjve, këto varreza ku sheh njeriu pa numër mbiemra të njëjtë të familjeve, tregojnë që Serbia ka ushtruar gjenocid në Kosovë dhe ka pasur për qëllim shfarosjen e shqiptarëve. Por, ajo ka dështuar në këtë projekt mizor e antinjerëzor të saj, dhe sot 25 vjet më vonë ne jemi më të fortë e më të fuqishëm se kurrë më parë.

E kemi ushtrinë e Kosovës, e kemi Policinë e Kosovës e cila na mbron anembanë dhe e cila nuk do të lejojë që kurrë të përsëritet çkado e ngjashme, pavarësisht se fqinji ynë verior, Serbia vazhdon të rrëmbejë shqiptar siç ishte rasti para më pak se një muaji me Sadik Durakun, i cili teksa po qarkullonte nëpër Serbi si një vend transit, meqenëse ai jeton në Kosovë dhe në Mbretërinë e Bashkuar, duke qenë nënshtetas i të dyjave, u kap dhe po mbahet peng në Serbi.

Ata jo vetëm që s’po pendohen, jo vetëm që s’kanë treguar keqardhje, jo vetëm që e pamundësojnë të vërtetën dhe drejtësinë, po në të njëjtën kohë e vazhdojnë avazin e vjetër në kohëra të reja dhe vazhdojnë me pengmarrje të shqiptarëve thua se jemi në kohën e luftës.

Unë kam qenë me shumë gjakovarë rob lufte. Njëherë i burgosur politik, po mandej rob lufte që u transferuam në Serbi. Njësoj po vazhdon edhe pas 25 vjetëve që shqiptarët të mbahen rob lufte atje siç është rasti me Sadik Durakun, për të cilin ne vazhdojmë që të kërkojmë bashkimin me popullin tonë dhe trysninë ndërkombëtare mbi Serbinë për lirimin e menjëhershëm dhe të pakusht.

Ndërkaq, unë falënderoj përjetësisht me mirënjohje të pafund këto familje që po qëndrojnë kaq të fortë dhe po e mbajnë lart krenarinë e popullit tonë, i cili ka humbur e ka vuajtur shumë, mirëpo ka dalur fitimtar dhe nuk ka kush që e ndal në progres demokratik, socio-ekonomik dhe evropian.

Me këtë rast, më lejoni që të theksoj se Ushtria Çlirimtare e Kosovës, invalidët dhe veteranët e luftës, familjet e dëshmorëve, janë vlera të pamohueshme të shtetit e të kombit tonë, mbi të cilat ne vazhdojmë që të ndërtojmë të ardhmen tonë të ndritshme për brezat që do të vijnë. E ku ka shembull më të mirë për këtë se sa nipi i Lule Sharanit, Dijari, i cili kur u takuam këtu tha që dëshiron të angazhohet në Forcën e Sigurisë së Kosovës, në ushtrinë e Republikës sonë.

Faleminderit! /Kosovatimes/

You Might Also Like

I kërkuar ndërkombëtarisht, arrestohet në Spanjë 25-vjeçari nga Shqipëria

Nis restaurimi i Xhamisë së Burojës, një nga më të vjetrat në Drenicë

Arrestohen dy persona në Podujevë, për trafikim me njerëz

Theret me thikë një person në Ternovë të Skënderajt

I mituri shtiu me armë zjarri gjatë përleshjes, arrestohet në Lipjan

Kosova Times May 10, 2024
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Lajme

Kurti uron Bersetin: Mik i madh i demokracisë dhe shtetit të së drejtës

Kosova Times Kosova Times June 26, 2024
Shaqiri dhe Xhaka i bashkohen Zvicrës, para ndeshjes me Kosovën
Ndryshimet kushtetuese varen nga rezultati i zgjedhjeve
GjND thotë se ka juridiksion për të shqyrtuar rastet për Karabakun
Horor ne Greqi: Në trazirat e tifozëve të Dinamos, ka të vdekur, dhjetëra të plagosur… (VIDEO)
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?