Një përballje dramatike në palestrën “13 Qershori” në Therandë ka nxjerrë skuadrën e Golden Eagle Ylli fituese të përballjes me Trepçën.
Rezultati përfundimtar ka qenë 80:79.
Ishte kjo ndeshja e dytë finale. Takimin e parë e kishin fituar mitrovicasit me rezultat 77:68.
Jalen Nesbitt është shpallur “MVP” i ndeshjes për kontributin e tij të jashtëzakonshëm, duke kontribuar me 14 pikë, 10 kërcime dhe 3 asistime. Në anën tjetër, Mikaile Tmusic i Trepçës është dalluar me një performancë të shkëlqyer, duke shënuar 17 pikë.
Pas kësaj ndeshje, rezultati është barazuar, duke lënë dy ekipet në një situatë me shpresë për ndeshjen e radhës, e cila do të zhvillohet të enjten në “Minatori”.
