Ka filluar takimi ndërmjet kreut të ekzekutivit, Albin Kurti dhe kryetarit të Partisë Demokratike të Kosovës Memli Krasniqi.
Sipas ftesës së kryeministrit Kurti në këtë takim pritet të diskutohet rreth agjendës legjislative, Megjithatë, lideri i PDK-së ka paralajmëruar se iu ka përgjigjur pozitivisht këtij takimi me të vetmin qëllim për të diskutuar për caktimin e datës së zgjedhjeve të reja.
Ftesë për këtë takim kishin edhe liderët e dy partive tjera, por kryetari i LDK-së, Lumir Abdixhiku dhe ai i AAK-së, Ramush Haradinaj, kanë refuzuar ftesën e Kurtit.
Kreu i LDK-së në përgjigjen që ia ka kthyer Kurtit ka thënë se e konsideron të vonuar ftesën për krijim të klimës së bashkëpunimit në Kuvend, derisa lideri i AAK-së ka thënë se tema për të cilën i ka ftuar Kurti, bie në përgjegjësinë e shefave të grupeve parlamentare.
