Presidenti Jakov Milatoviq nga sot deri të premten do të vizitojë Shtetet e Bashkuara të Amerikës (SHBA), ku do të ketë takime me senatorë dhe kongresmenë të shumtë.Zyra e Milatoviqit njoftoi se ai do ta fillojë vizitën e tij me hapjen e Samitit të Rinisë së NATO-s, i cili do të mbahet nesër në Miami.
Milatoviq do të marrë pjesë në këtë ngjarje të rëndësishme, me ftesë të Aleancës, si presidenti më i ri i një anëtari të NATO-s”, thuhet në deklaratë.
Thuhet se samiti po organizohet me rastin e 75-vjetorit të themelimit të NATO-s dhe se pjesëmarrja e Millatoviqit do të jetë një mundësi për të folur për Malin e Zi si një anëtar relativisht i ri, si dhe për rëndësinë në rritje të Aleancës në kontekstin e rrethanave të ndryshuara gjeopolitike.
“Samiti trajton çështje globale që janë në qendër të interesit të të rinjve nga vendet anëtare të Aleancës. Kjo ngjarje e rëndësishme është një mundësi për Malin e Zi që të afirmojë më tej anëtarësimin e tij dhe të forcojë besueshmërinë e tij”, thuhet në kabinetin e Milatoviq.
