Policia e Kosovës përmes një komunikate për media ka njoftuar se gjatë një bastisje në fshatin Zamenicë të komunës së Leposaviqit janë gjetur narkotik, armë zjarri dhe municione.
“Me datë 13.05.2024 Drejtoria për Hetimin e Trafikimit me Narkotik në fshatin Zamenicë – Komuna e Leposaviqit ka realizuar një bastisje të shtëpisë dhe objekteve përcjellëse të personit të dyshuar mashkull kosovar, ku gjatë kontrollit janë gjetur dhe sekuestruar: 6 (gjashtë) qese me sasi të substancës së dyshuar të llojit Marihuanë me peshë rreth 2600 gram, 1 (një) pushkë gjuetie dy tytëshe me 26 fishekë, 4 (katër) karikatorë të armës së gjatë AK-47 me gjithsej 23 fishekë, 1 (një) radiolidhje”, thuhet në njoftim.
Sipas policisë personi i dyshuar nuk është hasur në shtëpi dhe i njëjti ndodhet në kërkim policor.
“Në lidhje me rastin njësia e forenzikës ka bërë fotografimin dhe sekuestrimin e provave, po ashtu është njoftuar edhe prokurori kompetent ku me udhëzim të tij janë iniciuar rastet ‘Blerja , posedimi, shitja dhe shpërndarja e paautorizuar narkotikëve substancave psikotrope apo analoge’ dhe ‘Mbajtje në pronësi, posedimi i pa autorizuar i armës,. Lidhur me rastin personi i dyshuar nuk është hasur në shtëpi dhe i njëjti ndodhet në kërkim policor, derisa rasti është duke u trajtuar nga njësitë relevante policore sipas kompetencës”, thuhet në njoftimin. /Kosovatimes/
