Sot mbushen 25 vjet nga Masakra e Qyshkut, në të cilën forcat pushtuese kriminale serbe kishin vrarë dhe masakruar barbarisht 44 qytetarë.
Masakra e 14 majit 1999 ishte vetëm njëra nga të shumtat që kanë ndodhur gjatë luftës në Kosovë.
Fshati ishte rrafshuar me tokë, ndërsa nga aty ishin dëbuar më shumë se 400 civilë.
Për të nderuar të rënët, kryeministri i Republikës së Kosovës, Albin Kurti, sot bën homazhe në përvjetorin e masakrave në Qyshk, Zahaq, Llabjan dhe Pavlan.
