Olivier Giroud është futbollisti më i ri i Los Angeles FC në Major League Soccer.
Giroud, golashënuesi më i mirë i të gjitha kohërave i Francës, i bashkohet Los Angeles pas tri viteve të suksesshme me Milan. Sulmuesi francez konfirmoi lëvizjen e tij në një postim në rrjetet sociale të hënën. Ai me klubin amerikan ka firmosur kontratë deri në fund të vitit 2025, me opsion rinovimi për vitin 2026.
“Jam i lumtur dhe i emocionuar që bashkohem me LAFC-në. Mezi pres të shkoj në Los Angeles dhe të luaj përpara 3252 dhe të gjithë atyre tifozëve të jashtëzakonshëm”, janë fjalët e para të sulmuesit francez për skuadrën e re.
