Labinot Maloku, politolog, ka folur për qëndrimet e partive politike opozitare lidhur me veprimet e mbrëmshme dhe të sotme për shkuarjen në zgjedhje të parakohshme.
Ai foli për legjislaturën aktuale, e cila, sipas tij, ishte njëra prej legjislaturave që ka shkelur më së shumti ligjet kushtetuese dhe ka pasur më së shumti stagnime në miratimin e ligjeve, veçmas të atyre të marrëveshjeve ndërkombëtare.
Kërkesën për takim me opozitën, siç është quajtur ‘darkë e punës’ nga kryeministri Kurti, Maloku e konsideroi se një ngjarje që ka qenë në një kohë të pakohë.
“Përveçse përgatitja fillestare, si dhe për të pasur raport mirëfilli me opozitën nuk ka qenë praktikë që në krye të herës të kësaj mazhorance. Ajo ka pasur qëndrim mosrespektues ndaj faktorit opozitar duke që edhe votat e opozitës janë të domosdoshme sidomos në çështjet specifike”, deklaroi Maloku në ‘InfoPlus’, në RTK.
Ai shtoi se opozita do të duhej t’ia përkujtonte partisë në pushtet qasjen e saj ndaj tyre duke filluar në qasjen injoruese, duke shtuar se partitë, që nuk morën pjesë në takim, treguan qasje parimore të tyre.
