Policia e Kosovës ka njoftuar se M.P, 25 vjeç, është ndaluar në Prishtinë dhe gjatë kontrollit i janë sekuestruar 25 gramë kokainë dhe një revole me pesë fishekë dhe një thikë.
“Sot, më 15.05.2024, në vazhdën e trajtimit të një rasti, nën dyshimin se një person është i përfshirë në trafikim me lëndë narkotike, i njëjti është identifikuar, lokalizuar dhe më pas arrestuar. I dyshuari M.P., (viti i lindjes 1999, mashkull kosovar),është ndaluar në Prishtinë dhe gjatë kontrollit i janë gjetur dhe sekuestruar 25 gramë, lëndë narkotike, dyshohet të jetë kokainë, po ashtu atij i është gjetur edhe një revole me pesë fishekë dhe një thikë”, ka njoftuar Policia e Kosovës.
Lidhur me rastin është njoftuar prokurori kujdestar i Prokurorisë Themelore, Departamenti i Krimeve të Rënda në Prishtinë, në konsultim dhe autorizim të tij, është kontrolluar edhe shtëpia e të dyshuarit në një fshat të Prishtinës.
Policia ka njoftuar se aty janë gjetur edhe 42.5 gramë, lëndë narkotike që dyshohet të jetë kokainë dhe një pushkë gjuetie me gjashtë fishekë.
Po ashtu si provë materiale janë sekuestruar edhe njëpeshore digjitale, një veturë, një telefon dhe prova tjera që lidhen me rastin.
“I dyshuari është shoqëruar në stacion policor dhe është intervistuar në prezencë të avokatit mbrojtës, ndërsa ndaj tij është iniciuar rasti ‘Blerja, posedimi, shpërndarja dhe shitja e paautorizuar e narkotikëve substancave psikotrope dhe analoge’ dhe ‘Mbajtja në pronësi kontroll ose posedim të paautorizuar të armeve’”, njofton PK. /Kosovatimes/
