Nëse planifikoni një udhëtim në Greqi këtë verë, duhet t’i kushtoni vëmendje ligjit të ri në lidhje me automjetet që lejohen të hyjnë në vend.Siç bën të ditur faqja e specializuar Nikana.gr në rrjetet sociale, ka hyrë në fuqi një ligj i ri i Ministrisë së Punëve Detare dhe Rojës Bregdetare.
Ligji i ri, thonë ata, zbatohet për automjetet elektrike dhe hibride, si dhe për automjetet që përdorin lëndë djegëse të tjera alternative, si gaz i lëngshëm apo natyror.
Për arsye sigurie, bateritë e automjeteve elektrike dhe hibride nuk duhet të ngarkohen më shumë se 40 për qind të kapacitetit të përgjithshëm, sipas b92 .
Kontrolli i temperaturës është gjithashtu i detyrueshëm dhe ngarkimi i baterisë në një anije ose traget është i ndaluar, sipas faqes së internetit të Nikana.
Gjithashtu, shtohet, për makinat që përdorin gaz të lëngshëm ose natyror, ligji dikton që rezervuarët të mos mbushen më shumë se 50 për qind të kapacitetit të përgjithshëm.
Arsyeja e këtyre masave, thuhet, është se zjarret në anijet me kontejnerë dhe tragetet shuhen me dioksid karboni, por kjo metodë nuk funksionon tek makinat elektrike.
